National Influenza Center of Mongolia, Томуугийн Үндэсний төв - Нүүр Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

ТТӨ-ний тархалтын үед баримтлах оношилгоо эмчилгээний заавар зөвлөмж
Бичсэн ЭХЭМҮТ   
Даваа, 2017 оны 11 сарын 06
 
Цэгэн массаж хийх зөвлөмж
Бичсэн Б.Ганцоож   
Даваа, 2017 оны 11 сарын 06

Дэлгэрэнгүй...
 
Ховд аймгийн томуугийн харуулдан тандалтын нэгж (ТХТН)-үүдэд ээлжит дэмжлэгт хяналтыг хийлээ
Бичсэн Д.Оюунгэрэл, Ц.Наранзул   
Баасан, 2017 оны 10 сарын 27

ХӨСҮТ-ийн ТҮН-ийн халдвар судлагч их эмч Д.Оюунгэрэл, дата менежер Б.Ганцоож, Вирүс судлалын лабораторийн вирүслогич Ц.Наранзул нар 2017 оны 10 дугаар сарын 23-наас 27-ны өдрүүдэд Ховд аймгийн ТХТН болох Эрүүл мэндийн газар (ЭМГ), Бүсийн оношлогоо эмчилгээний төв (БОЭТ), Өрхийн эрүүл мэндийн төв (ӨЭМТ)-үүдийн томуу, томуу төст өвчний тандалт, томуугийн дэгдэлтийн үеийн бэлэн байдалтай танилцаж, ажлын байранд сургалт зохион байгууллаа.

Дэмжлэгт хяналтын удирдамжийг аймгийн ЭМГ-ын дарга Ж.Мягмаржаргал, дүн бүртгэгч Д.Одонтуяа, БОЭТ-ийн эмчилгээ эрхэлсэн орлогч дарга н.Баясгалмаа нарт танилцуулж, “Буянт”, “Баатархайрхан”, “Бугат”, “Жаргалан”, “Рашаант” ӨЭМТ-үүдийн ахлагч, эмч, сувилагч нарыг байлцуулан 2016/17 оны томуугийн улиралд авч хэрэгжүүлсэн арга хэмжээ, 2017/18 оны томуугийн улиралд авч хэрэгжүүлэхээр төлөвлөөд байгаа үйл ажиллагаа, ЭМС-ын 2014 оны 358 тоот тушаал, А/346 тоот албан даалгаварын хэрэгжилт болон ТТӨ-ний бүртгэл мэдээлэлтэй танилцаж мэргэжил аргазүйн зөвлөлгөө өглөө. Мөн вирүслогич Ц.Наранзул ӨЭМТ-ийн эмч, сувилагч нарт ажлын байран дээр сорьц хэрхэн авах, хадгалах, тээвэрлэх талаар биечлэн сургалт явууллаа.

Дэмжлэгт хяналтаар ТТӨ болон АЗЦХХ-ын мэдээ авалт, өгөлт бүрэн тогтмолжсон, эргэн мэдээлэл болон вэб сайтын ашгилалт хангалттай, 2017/18 хийгдэх үйл ажиллагааны төлөвлөгөөг гаргасан, томуугийн дэгдэлтийн эсрэг авч хэрэгжүүлэх хариу арга хэмжээг төлөвлөсөн, бэлэн байдлыг хангасан, ЭМС-ын 2014 оны 358 тоот тушаалын хэрэгжилт хангалттай байна.

Тус томуугийн улиралд 2,400 хүн тун улирлын томуугийн вакцин авснаас эрсдэлт бүлгийн 400 гаруй хүнийг дархлаажуулаад байна. Одоогоор “тамифлю” эмийн нөөцгүй байлаа.


Дэлгэрэнгүй...
 
ДЭМБ: Томуугийн 2 долоо хоног тутам шинэчлэгддэг мэдээ: №300
Бичсэн Д.Оюунгэрэл   
Баасан, 2017 оны 10 сарын 27

Дэлхийн бөмбөрцгийн хойд хагасын сэрүүн бүсийн орнуудад томуугийн идэвхжил бага түвшинд байна. Дэлхийн бөмбөрцгийн өмнөд хагасын Зүүн, Зүүн Өмнөд Азийн сэрүүн бүсийн улс орнуудад томуугийн идэвхжил өндөр буурч байна. Төв Америк, Карибийн цөөн тооны улс орнуудад томуугийн идэвхжил бага түвшинд байна. Дэлхий дахинд томуугийн А (H3N2) болон В вирүс давхар эргэлтэнд байна.

  • Өмнөд Америкийн сэрүүн бүсийн ихэнх улсуудад томуу болон RSV-ийн идэвх буурч байна.
  • Өмнөд Африкийн улс орнуудад томуугийн идэвхжил буурсан, томуугийн В вирүс давамгайлан эргэлтэнд байна.
  • Номхон далайн улс орнуудад томуугийн идэвхжил буурсан, томуугийн А (H3N2) вирүс давамгайлж, В вирүс давхар эргэлтэнд байна.
  • Өмнөд Америкийн улс орнуудад томуу болон RSV-ийн идэвх буурч байна.
  • Карибийн болон Төв Америкийн улс орнуудад томуу болон амьсгалын замын халдварын вирүсүүдийн идэвхжил бага түвшинд, RSV вирүсийн идэвхжил зарим орнуудад өндөр түвшинд байна.
  • Өмнөд Азийн Энэтхэг, Бутан улсад томуугийн A (H1N1)pdm09 вирүс хүн амын дунд идэвхтэй эргэлтэнд байна.
  • Зүүн Өмнөд Азийн улс орнуудад томуугийн идэвхжил буурсан байна. Камбож, Лаос улсуудад томуугийн идэвхжил өндөр, томуугийн А (H3N2) вирүс давамгайлан эргэлтэнд банйа.
  • Баруун Азийн Оман улсад томуугийн идэвхжил нэмэгдсэн, томуугийн А (H3N2) болон A (H1N1)pdm09 вирүс давхар эргэлтэнд байна. Бахрейн улсад томуугийн А вирүсийн илэрц нэмэгдсэн байна.
  • Зүүн Азийн улс орнуудад томуугийн идэвхжил бага түвшинд байна.
  • Баруун Африкийн улс орнуудад томуугийн идэвхжил нэмэгдсэн, улирлын томуугийн бүх хэвшинжийн вирүсүүд эргэлтэнд байна. Дундад Африк болон Камерун улсад ТТӨ нэмэгдсэн байна. Зүүн Африкийн Рейнион арлын (Францын хилийн чанад дахь) ТТӨ-ний идэвхжил нэмэгдсэн, томуугийн В вирүс давамгайлан эргэлтэнд байна.
  • Өмнөд Америкийн улс орнуудад томуугийн өвчлөл бага байгаа хэдий ч томуугийн А (H3N2) болон В вирүс давхар эргэлтэнд байна.
  • FluNet-ийн 2017 оны 9 дүгээр сарын 18-наас 10 дугаар сарын 1-ныг хүртэлх мэдээгээр 85 орны ТҮТ-үүд нийтдээ 56,528 сорьц шинжилж, 3,496-д томуугийн вирүс эерэг байж, 2,566 (73.4%)-д томуугийн A, 930 (26.6%) -д томуугийн B вирүс эерэг тодорхойлогдсон байна. Томуугийн A вирүсийн 260 (15.1%)-д томуугийн A (H1N1)pdm09, 1,460 (84.9%)-д томуугийн A (H3N2) эерэг гарчээ. В вирүсийн 192 (81%) нь В-Yamagata lineage, 45 (19%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/latest_update_GIP_surveillance/en/

 
Амьсгалын замын синициталь вирүс(АЗСВ) илрүүлэх шинжилгээний сургалт боллоо
Бичсэн Ц.Наранзул   
Баасан, 2017 оны 10 сарын 20

2017 оны 10 дугаар сарын 11-18 өдрүүдэд Австрали улсын Мелбурн хотын Мурдоч Хүүхдийн Судалгааны Хүрээлэнгийн судлаач Анна Хай ХӨСҮТ-ийн Вирүс судлалын лабораторит ажиллаж Термофишер компаны AB QuantStudio-5 бодит хугацааны полимеразын гинжин урвал(бхПГУ)-ын машин суурилуулав. Тэрээр AB QuantStudio-5 машин ашиглан АЗСВ, Томуугийн вирүсийн дэд хэвшинжүүдийн нүклейн хүчлийг илрүүлж, тооны анализ хийх сургалт зохион байгууллаа. Мөн QIAGEN компаны БНХАУ-ын Шанхай дахь салбарын инжинер Жакүнг Жин бидэнтэй ажиллаж QIAcube-HT нүклейн хүчил ялгагч бүрэн автомат машиныг суурилуулж, ажлын байрны сургалт хийлээ. Сургалтанд тус лабораторийн эмч, судлаач, техникч нар хамрагдав(Зураг 1;2;3).

ДЭМБ, Монгол Улсын ЭМЯ, Австрали улсын Мельбурн хотын Мурдочийн Хүүхдийн Судлалын Хүрээлэнгийн хамтарсан “Пневмококкийн эсрэг 13 цэнт вакциныг үнэлэх судалгааны төсөл”-ийн хүрээнд эдгээр тоног төхөөрөмжүүдийг ХӨСҮТ-ийн Вирүс судлалын лабораторит нийлүүлж байгаа бөгөөд энэ судалгааны АЗСВ болон томуугийн вирүсийн хэвшинжүүдийг илрүүлэх шинжилгээг Монгол орондоо чанарын өндөр түвшинд хийх боломж бүрдлээ. Сургалтын явцад бид 10 гаруй төрлийн стандарт ажиллагааны зааврыг боловсруулан орчуулж, шинжилгээ хийх гардан үйлдлийн дадлага хийв.


Зураг 1. Сургалтанд оролцогчид сургагч багш Анна Хай-гийн хамт

 

Дэлгэрэнгүй...
 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 6 - 10 - 509

ТАРХАЛТ

ЗӨВЛӨГӨӨ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр58
mod_vvisit_counterөчигдөр837
mod_vvisit_counterэнэ 7 хоногт2501
mod_vvisit_counterэнэ сард12743
mod_vvisit_counterбүгд1183056

Одоо сүлжээнд

Бидэнд 1 зочин онлайн