National Influenza Center of Mongolia, Томуугийн Үндэсний төв - Нүүр Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

Үхсэн муурнаас шувууны томуугийн H5N6 вирүс илэрсэн байна
Бичсэн Д.Оюунгэрэл   
Баасан, 2017 оны 01 сарын 06

Өмнөд Солонгос улсын Почеон болон Кёнги мужид үхсэн муурнаас тус улсад 2016 оны 11 дүгээр сараас эхлэн тахианы дунд дэгдээд байгаа өндөр хоруу чанартай шувууны томуугийн H5N6 вирүс илэрсэн талаар Эрүүл мэндийн байгууллагын удирдлагууд 2016 оны 12 дугаар сарын 31-ний өдөр мэдээлсэн байна. Өмнөд Солонгос улсад тус вирүс 2015 оны 2 дугаар сард анх удаа хөхтөн амьтанд эерэг тодорхойлогдсон байна.

Үхсэн муур шувууны томуугийн H5N6 вирүсийн дэгдэлт гарсан шувууны фермээс 2 км-ийн зайд олдсон байна. Одоогоор тандалт судалгаа үргэлжилж байгаа бөгөөд вирүсийн халдвар авсан тахиа идсэн байж болзошгүй хэмээн таамаглаж байна. Тус тосгонд ойролцоогоор 1.7 сая тахиаг устгасан байна.

Улсын эх баригчдаас орон нутгийн захиргаанд халдварт өртсөн фермрүү амьтадыг оруулахгүй байх зорилгоор фермийг тойруулан тор татах, халдваргүйтгэл хийх зэрэг шаардлагуудыг хүргүүлсэн байна. Солонгос улсын Өвчний хяналт сэргийлэлтийн төвөөс одоогоор муурнаас уг вирүс хүнд халдварласан тохиолдол байхгүй хэмээн мэдээлжээ. Гэхдээ урьдчилан сэргийлэх зорилгоор тус муурны эздэд вирүсийн эсрэг эм уулгасан байна. Халдварын нууц үеийн хугацаа 10 хоног юм байна.

2016 оны 12 дугаар сарын 30-ны байдлаар Өмнөд Солонгос улсад 606 шувууны фермийн 28 сая гаруй тахиаг устгасан байна. Өмнөд Солонгос улсын нийт тахианы 16%, нийт галууны 26%-ийг нь устгажээ.

Эх үүсвэр: http://www.koreaherald.com/view.php?ud=20170101000218

 
Тамифлу эм хувиарлах тухай (ЭМС-ын 2016 оны А/205 тоот тушаал)
Бичсэн Б.Ганцоож   
Пүрэв, 2017 оны 01 сарын 05

Дэлгэрэнгүй...
 
ЗАРЛАЛ 022
Бичсэн Б.Ганцоож   
Пүрэв, 2016 оны 12 сарын 01

Вирүс Судлалын Монголын Нийгэмлэг, Монголын анагаах ухааны академи, Халдварт Өвчин Судлалын Үндэсний Төв, Зоонозын Өвчин Судлалын Үндэсний Төв, Мал Эмнэлгийн Хүрээлэн, Нийгмийн Эрүүл Мэндийн Үндэсний Хүрээлэн хамтран 2017 оны 9 дүгээр сарын 7–ны өдөр Улаанбаатар хотноо зохион байгуулах “Вирүс судлалын тулгамдсан асуудлууд” үндэсний 16 дугаар бага хуралд илтгэл бэлтгэн оролцохыг урьж байна.

Илтгэлийн хураангуйг 200 үгэнд багтаан монгол, англи хэл дээр, Times New Roman 12 фонтоор бичиж 2017 оны 7 сарын 01-ны дотор редакцийн зөвлөлийн нарийн бичгийн дарга, Мал эмнэлгийн ухааны доктор Б.Болдбаатарт Энэ хаягийг спам-с хамгаалж байгаа бөгөөд та үзэхийн тулд JavaScript идэвхжүүлэх хэрэгтэй. хаягаар ирүүлнэ үү. Илтгэлийн товчлол ирүүлэхдээ амаар буюу ханын илтгэлийн аль хэлбэрээр хэлэлцүүлэх тухай санаагаа илэрхийлсэн байх шаардлагатай.

Зохион байгуулах хороо амаар хэлэлцүүлэх илтгэлийг 2017 оны 8 сарын 01-ний дотор сонгон шалгаруулж, Та бүхэнд эргэж мэдэгдэх болно. Амаар хэлэлцүүлэх илтгэлийг 10-15 мин орчим илтгэхээр буюу Power point-оор 20 слайдаас хэтрэхгүйгээр бэлтгэсэн байна.

Бусад холбогдох мэдээллийг хурал зохион байгуулах хорооны нарийн бичгийн дарга, анагаах ухааны доктор Б.Дармаа (утас 99754824; Энэ хаягийг спам-с хамгаалж байгаа бөгөөд та үзэхийн тулд JavaScript идэвхжүүлэх хэрэгтэй. ), Вирүс судлалын Монголын нийгэмлэгийн нарийн бичгийн дарга, анагаах ухааны магистр Г.Нямаа (утас 88703888; Энэ хаягийг спам-с хамгаалж байгаа бөгөөд та үзэхийн тулд JavaScript идэвхжүүлэх хэрэгтэй. нараас авна уу.

Бүртгэлийн хураамж: 

  • Вирүс Судлалын Монголын Нийгэмлэгийн гишүүд 30 000 төгрөг
  • Оюутан гишүүд 20 000 төгрөг
  • Гишүүн бус 50 000 төгрөг 
Хаан банк Төгрөгийн данс дугаар: 5753354989
Хүлээн авагчийн нэр: Монголын Вирүс Судлалын Нийгэмлэг 

Хурлын үйл ажиллагааг ивээн тэтгэсэн төрийн болон төрийн бус байгууллага, компани, хувь хүмүүст үзүүлсэн санхүүгийн дэмжлэгийн хэмжээг харгалзан 

  • 3 саяаас дээш төгрөгийн дэмжлэг үзүүлвэл “Очир эрдэнэ ивээн тэтгэгч”,
  • 1-3 сая төгрөгийн дэмжлэг үзүүлвэл “Алтан ивээн тэтгэгч”,
  • 1 сая хүртэл төгрөгийн дэмжлэг үзүүлвэл “Мөнгөн ивээн тэтгэгч” өргөмжлөл олгохын зэрэгцээ өөрсдийн үйл ажиллагааг үнэгүй сурталчлах боломж олгоно 

Хурал зохион байгуулах хороо, Редакцийн зөвлөл

 
ДЭМБ: Томуугийн 2 долоо хоног тутам шинэчлэгддэг мэдээ: №278
Бичсэн Д.Оюунгэрэл   
Пүрэв, 2016 оны 12 сарын 15

Дэлхийн бөмбөрцгийн хойд хагасын сэрүүн бүсийн улс орнуудад томуугийн идэвхжил бага зэрэг нэмэгдсэн байна

  • Хойд Америкт томуугийн идэвхжил бага зэрэг нэмэгдсэн, томуугийн A (Н3N2) вирүс давамгайлан эргэлтэнд байна. ТТӨ-ий идэвхжил улирал хоорондын түвшинд байна. АНУ-д RSV эргэлтэнд байна.
  • Европын улс орнуудад томуугийн идэвхжил бага байгаа хэдий ч, Еропын өмнөд хэсгийн улс орнуудад бага зэрэг нэмэгдсэн байна. Томуугийн A (Н3N2) вирүс давамгайлан эргэлтэнд байна. Энэ томуугийн улирал өмнөх томуугийн улиралтай харьцуулахад харьцангуй эрт эхэлж байгаа ба нийт шинжилсэн сорьцийн 10-аас дээш хувьд томуугийн вирүс эерэг тодорхойлогдож байна.
  • Зүүн Азийн улс томуугийн идэвхжил нэмэгдсэн, томуугийн A (Н3N2) вирүс давамгайлан эргэлтэнд байна.
  • Өмнөд Африкийн улс орнуудад, ялангуяа Морокко улсад томуугийн A (Н3N2) вирүс давамгайлан эргэлтэнд байна.
  • Баруун Азийн улс орнуудад томуугийн идэвхжил бага түвшинд байна.
  • Карибийн орнуудад томуу болон бусад амьсгалын замын халдвар үүсгэгч вирүсийн идэвхжил бага түвшинд байна. Төв Америкийн ихэнх улс орнуудад RSV болон бусад амьсгалын замын халдвар үүсгэгч вирүсүүдийн идэвхжил буурсан байна. Коста-Рика улсад RSV давамгайлан эргэлтэнд байна.
  • Өмнөд Америкийн халуун бүсийн ихэнх орнуудад томуу болон амьсгалын замын вирүсийн халдвар бага түвшинд, Колумб улсад RSV вирүс эргэлтэнд байна.
  • Азийн өмнөд хэсгийн улс орнуудад томуугийн идэвхжил бага зэрэг нэмэгдсэн, Шри-Ланка болон Иран улсуудад томуугийн A (Н3N2) вирүс давамгайлан эргэлтэнд байна.
  • Азийн зүүн өмнөд хэсгийн улсуудад томуугийн идэвхжил бага түвшинд, томуугийн A (Н3N2) вирүс давамгайлан эргэлтэнд байна. Вьетнам улсад томуугийн A (H1N1)pdm09 вирүс эргэлтэнд байна.
  • Африкийн баруун хэсгийн орон болох Гана улсад томуугийн В вирүс давамгайлан эргэлтэнд байна.
  • Өмнөд Америкийн сэрүүн бүсийн улс орнуудад томуугийн болон RSV вирүсийн идэвхжил бага түвшинд байна.
  • Номхон далайн арлуудын орнуудад томуугийн идэвхжил улирал хоорондын түвшинд байна.
  • FluNet-ийн 2016 оны 11 дүгээр сарын 14-нөөс 27-ныг хүртэлх мэдээгээр 80 орны ТҮТ-үүд нийтдээ 93,152 сорьц шинжилж, 6,209-д томуугийн вирүс эерэг байж, 5,630 (90.7%)-д томуугийн A, 579 (9.3%) -д томуугийн B вирүс эерэг тодорхойлогдсон байна. Томуугийн A вирүсийн 112 (2.9%)-д томуугийн A (H1N1)pdm09, 3,787 (97.1%)-д томуугийн A (H3N2) эерэг гарчээ. В вирүсийн 46 (36.2%) нь В-Yamagata lineage, 81 (63.8%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/latest_update_GIP_surveillance/en/

 
Дархан-уул аймагт томуугийн харуулдан тандалтын нэгжүүдэд хийсэн дэмжлэгт хяналт хийлээ.
Бичсэн Ч.Мөнхцэцэг, Ч.Баясгалан, Ц.Наранзул   
Мягмар, 2016 оны 12 сарын 13

“Томуугийн тандалтын сүлжээ бэхжүүлэн хөгжүүлэх төсөл”-ийн хүрээнд батлагдсан удирдамжийн дагуу ХӨСҮТ-ийн ТҮН-ийн тархвар судлаач, ахлах зэргийн эмч Ч.Баясгалан, ХӨСҮТ-ийн тархвар судлаач их эмч, Анагаах ухааны доктор Ч.Мөнхцэцэг, ХӨСҮТ-ийн Вирүс судлалын лабораторийн вирүслогич АУ-ны магистр Ц.Наранзул нарын бүрэлдэхүүнтэй баг Дархан-уул аймагт томуугийн харуулдан тандалтын дэмжлэгт хяналт хийлээ.


Зураг 1. Дархан-уул аймгийн Нэгдсэн эмнэлгийн дарга Б.Эрдэнэтулгад ажлын удирдамж танилцуулж байгаа нь

Дэлгэрэнгүй...
 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 46 - 50 - 509

ТАРХАЛТ

ЗӨВЛӨГӨӨ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр55
mod_vvisit_counterөчигдөр837
mod_vvisit_counterэнэ 7 хоногт2498
mod_vvisit_counterэнэ сард12740
mod_vvisit_counterбүгд1183052

Одоо сүлжээнд