National Influenza Center of Mongolia, Томуугийн Үндэсний төв - Нүүр Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

Өвөр Монголд шувууны томуугийн H7N9 вирүст хүний халдварын нэг тохиолдол бүртгэгдлээ
Бичсэн Д.Оюунгэрэл, А.Бурмаа   
Даваа, 2017 оны 06 сарын 05

Өвөр Монголын Өөртөө Засах Орны Эрүүл мэнд, Гэр бүл төлөвлөлтийн хорооноос шувууны томуугийн H7N9 вирүст халдварын хүний өвчлөлийн нэг тохиолдол бүртгэгдсэн талаар мэдээллээ. Тохиолдол нь эрэгтэй, Баяннуур аймагт оршин суудаг иргэн юм байна. Одоогоор биеийн байдал тогтвортой байна. Халдварын эх уурхай түүний гэрийн ойролцоох шувууны аж ахуйтай холбоотой байж болзошгүй хэмээн эрүүл мэндийн байгууллагын ажилчид үзэж байна.

Дэлхий дахинд 2013 оны 3 дугаар сараас хойш шувууны томуугийн H7N9 вирүст хүний халдварын 1,512 тохиолдол бүртгэгдээд байна. 2016 оны 10 дугаар сараас хойш халдварын тохиолдол эрс нэмэгдэж, БНХАУ-д 714 тохиолдол бүртгэгдээд байна.

Шувууны томуугийн H7N9 вирүсийн халдвар авсан ихэнх хүмүүс халдвартай шувууны биологийн шингэнээр бохирлогдсон эд зүйлст хүрэлцсэн, амьд шувууны зах болон фермтэй халдвар судлалын хувьд холбоотой байна. Уг шувууны томуугийн вирүс амьтан болон хүрээлэн буй орчны эд юмсаас илэрч байгаа тохиолдолд хүний халдварын тохиолдол цаашид бүртгэгдсээр байх болно хэмээн эрүүл мэндийн байгууллагын ажилчид таамаглаж байна. Нэг эмнэлгийн тасагт хэвтэн эмчлүүлж байсан маш ойрын тохиолдлуудад халдвар голомтлон гарсан маш цөөхөн тохиолдол байгаа боловч яг одоогийн байдлаар халдвар хүнээс хүнд тогтвортой дамжин тархаж байгаа гэсэн тархвар судлалын болон вирүс судлалын нотолгоо байхгүй байна.

Өөр улс оронд аялж байгаа, аялахаар зэхэж байгаа хүмүүс тухайн улс орныхоо амьд шувууны зах, тэжээвэр шувууны фермээр аль болох зорчихгүй байх, түүнээс зайлсхийх, өвчтэй шувуу, түүний биологийн шингэнээр бохирлогдсон эд зүйлстэй хүрэлцэхгүй байхыг зөвлөж байна. Мөн гараа тогтмол савандаж угаах, хүнсний эрүүл ахуйг дээд зэргээр чандлан сахихыг анхааруулж байна.

Эх үүсвэр: http://outbreaknewstoday.com/china-reports-h7n9-avian-influenza-case-inner-mongolia-autonomous-region-99006/

 
Шувууны томуугийн шинэ вирүс Вьетнам улсыг заналхийлж эхэллээ
Бичсэн Д.Оюунгэрэл   
Лхагва, 2017 оны 05 сарын 17

Вьетнам улсын Эрүүл мэндийн яамны Урьдчилан сэргийлэх анагаах ухааны тэнхимээс өнгөрсөн 3 дахь өдөр Вьетнам улстай хиллэдэг Хятад улсын Юньань, Гуанши мужуудад шувууны томуугийн A (H7N9) вирүстн халдвар маш эрчимтэй тархаж эхэлсэн тухай мэдээллээ.

Дэлхийн эрүүл мэндийн байгууллага болон Хүнс, хөдөө аж ахуйн байгууллага шувууны томуугийн A (H7N9) вирүс шинж төрхөө өөрчлөн бага хоруу чанартайгаас өндөр хоруу чанартай болж хувирсан болохыг хүн болон шувууны фермээс авсан шинжилгээгээр нотолсон байна.

Бага хоруу чанартай шувууны томуугийн A (H7N9) вирүс нь шувуудад шинж тэмдэггүйгээс, хөнгөн хэлбэрийн эмнэлзүйн шинж бүхий өвчлөлийг үүсгэдэг бол өндөр хоруу чанартай вирүс нь бага хоруу чанартай вирүсийг бодоход шувуудын дунд 100-1,000 дахин хурдтай тархах ба шувуудыг олноор нь үхүүлдэг байна.

Одоогийн байдлаар өндөр хоруу чанартай A (H7N9) вирүс хүнээс хүнд тогтвортойгоор дамжин тархаж байгаа нотолгоо байхгүй байна. ДЭМБ-аас томуугийн эмчилгээний схемийг өөрчлөх зөвлөмжийг гаргаагүй байна.

Вьетнам улсын Эрүүл мэндийн яамны Урьдчилан сэргийлэх анагаах ухааны тэнхимээс эрүүл мэндийн байгууллагын ажилчдад халдварыг хянах, түүнээс сэргийлэх зааварчилгаагаар хангаж, сургалт зохион байгуулсан байна.

Мөн түүхий болон дутуу болгосон эсвэл гарал үүсэл нь тодорхойгүй шувууны мах идэхгүй байхыг иргэдэд зөвлөсөн байна. Хэрэв үхсэн эсвэл өвчтэй шувуутай таарвал холбогдох эрүүл мэндийн байгууллагаруу яаралтай мэдээлэх, халуурах, ханиалгах, цээжээр өвдөх, амьсгалахад саадтай болох зэрэг шинж тэмдэг илэрвэл харьяа эрүүл мэндийн байгууллагаруу яаралтай хандахыг ард иргэдэд зөвлөлөө.

Эх үүсвэр: http://english.vietnamnet.vn/fms/society/178255/vietnam-threatened-by-new-strain-of-bird-flu.html

 
Шувууны томуугийн A (H7N9) вирүстхалдварын хүний өвчлөл – БНХАУ
Бичсэн Д.Оюунгэрэл   
Лхагва, 2017 оны 05 сарын 17

2017 оны 4 дүгээр сарын 30-ны өдөр БНХАУ-ын Эрүүл мэнд, Гэр бүл төлөвлөлтийн хороо (ЭМГБТХ) - ноос ДЭМБ-д лабораториор баталгаажсан шувууны томуугийн A (H7N9) вирүсийн хүний халдварын 18 тохиолдлыг нэмж мэдээллээ.

Тохиолдлын тухай дэлгэрэнгүй мэдээлэл

Өвчний эмнэлзүйн шинж тэмдэг 2017 оны 4 дүгээр сарын 6-наас 23-ны өдөр эхэлсэн. Нийт тохиолдлын 8 нь эмэгтэй, дундаж нас 58 (4-өөс 74 настай). Бээжин (2), Чунцин (1), Фужиан (1), Гансу (1), Гуандон (2), Хэнань (1), Хунань (1), Зянсу (1), Жилин (1), Шаньдун (2), Сычуань (5) мужуудад халдварын тохиолдлууд бүртгэгдсэн. Эдгээр тохиолдлуудын 3 нь нас барсан, 14 нь уушгины хатгалгаатай гэж оношлогдсон ба 4 нь маш хүнд, 10 нь хөнгөн хэлбэрээр өвчилсөн байна. 17 тохиолдол нь шувууны зах болон фермтэй тархвар судлалын хамааралтай байна.

Хамгийн сүүлийн мэдээгээр 2013 оны 3 дугаар сараас хойш лабораториор баталгаажсан шувууны нийт томуугийн A (H7N9) вирүст хүний халдварын 1,439 тохиолдол бүртгэгдээд байна.

Нийгмийн эрүүл мэндийн хариу арга хэмжээ

2016 оны 12 дугаар сараас хойш уг вирүст халдварын тохиолдол эрс нэмэгдсэн ба Хятад улсын засгийн газраас үндэсний болон орон нутгийн түвшинд дараах арга хэмжээг авч хэрэгжүүлж байна.Үүнд:

  • Халдварын тохиолдол хамгийн өндөр бүртгэгдэж байгаа өмнөд хэсгийн мужуудад халдварын хяналт, урьдчилан сэргийлэлтийн арга хэмжээг бэхжүүлэх, эрсдэлийн үнэлгээг хийх. 4 дүгээр сарын 24-нөөс эхлэн ЭМГБТХ-ноос өмнөд хэсгийн 11 мужуудын холбогдох мэргэжилтнүүдтэй шувууны томуугийн A (H7N9) вирүст халдвараас урьдчилан сэргийлэх чиглэлээр аудио хурлыг тогтмол хийж байна.
  • Шувууны зах болон бүс дамжуулан худалдаж байгаа шувууны худалдааны үйл ажиллагаанд эрүүл ахуйн хяналтыг сайжруулах, нэмэгдүүлэх;
  • Халдварын эх уурхайг тогтоох тандалт судалгааг үргэлжлүүлэх;
  • Шувууны томуугийн A (H7N9) вирүст халдварын хүний тохиолдлыг эрт илрүүлэх, нас баралтыг бууруулах;
  • Олон нийтийн эрсдэлийн үеийн харилцааг сайжруулах;
  • Вирүс судлалын тандалтыг эрчимжүүлэх арга хэмжээг авч хэрэгжүүлж байна.
Дэлгэрэнгүй...
 
Зарлал
Бичсэн Д.Оюунгэрэл   
Мягмар, 2017 оны 05 сарын 09

Томоор харах
 
Томуугийн В вирүс
Бичсэн Д.Оюунгэрэл   
Мягмар, 2017 оны 04 сарын 25

Томуу нь амьсгалын замаар дамжин тархаж, бүх насны хүмүүсийг өвчлүүлдэг цочмог халдварт өвчин юм. Томуугийн үүсгэгч нь гадаргуугийн уургаасаа хамаараад А, В, С гэсэн үндсэн гурван хэвшинжид хуваагддаг. Томуугийн А вирүс нь тахиа, галуу, нугас, гахай зэрэг амьтанд өвчин үүсгэхээс гадна хүний улирлын томуу болон цартахлын үндсэн шалтгаан болж байдаг. Томуугийн В болон С вирүс зөвхөн хүнд өвчлөл үүсгэдэг ба С вирүс нь бусад 2 хэвшинжийн вирүстэй харьцуулахад харьцангуй хөнгөн хэлбэрийн өвчин үүсгэдэг байна.

Томуугийн В вирүс

В вирүс нь улирлын томуугийн дэгдэлтийн үндсэн шалтгааны нэг болж байдаг, хувьсан өөрчлөгдөх шинж чанар багатай вирүс юм.

Халдвар дамжих зам

Халдвар агаар дуслын зам (халдвартай хүн ханиах, найтаах, ярих үед вирүс шүлсний дусалтай агаарт цацагдах), бохир гар (халдвартай хүний нус, шүлсээр бохирлогдсон эд зүйлст хүрэх)-аар дамжин халдварлана.

Эмнэлзүйн шинж тэмдэг

Томуу өвчний үед илрэх үндсэн шинж тэмдэг нь халуурах юм. Томуугийн В вирүсийн халдварын үед гэнэт өндөр (410С хүртэл) халуурах боловч А вирүсийн халдварын үеийнхалууралтаас бага зэрэг хөнгөн байна. Насанд хүрэгсэд бага насны хүүхдүүдийг бодвол бага зэрэг халуурдаг. Бие сульдах, ядрах, биеэр шархирч өвдөх зэрэг шинж тэмдгүүд илэрнэ. Халуун буурах үед ханиалгах, хамраас нус гоожих, хоолой өвдөх шинжүүд илрэх ба зарим тохиолдолд эдгээр шинж тэмдгүүд маш хурдан хүндэрч, уушгины хатгалгаа болдог. Эмнэлзүйн шинж тэмдгүүд ихэнхдээ 1 долоо хоногийн дараа арилах хэдий ч, ханиалга намдахгүй 2-3 долоо хоног үргэлжилж болно. Дотор муухайрах, бөөлжих, хоолонд дургүй болох зэрэг ходоод гэдэсний хямралын шинж тэмдгүүд илэрч болно.

Дэлгэрэнгүй...
 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 46 - 50 - 533

АНХААРУУЛГА

Улирлын томуугийн идэвхжил буурч байна.

ТАРХАЛТ

ЗӨВЛӨГӨӨ

Зар

ЗАРЛАЛ 001

Томуу, томуу-төст өвчнөөс сэргийлэх, эмчлэх үйлдэлтэй эм, ариутгалын бодисийн ухуулга сурталчилгааны материалын зарлалыг манай вэб-сайт үнэ төлбөргүйгээр байршуулна

 

ХҮЛЦЭЛ ӨЧЬЕ
Томуугийн Үндэсний Төвийн вэб хуудас сүүлийн 2 долоо хоног техникийн саатлын улмаас ажиллаагүй тул эрхэм хамтрагч, вэб-д идэвхтэй хандагсдаасаа хүлцэл өчье. ТҮТ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр195
mod_vvisit_counterөчигдөр497
mod_vvisit_counterэнэ 7 хоногт3178
mod_vvisit_counterэнэ сард14451
mod_vvisit_counterбүгд1238651

Одоо сүлжээнд

Бидэнд 9 зочид онлайн