Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

Шувууны томуугийн A(H7N9) вирүст хүний халдварын голомтолсон тохиолдын судалгаа, БНХАУ, 2013-2017 он
Бичсэн Д.Оюунгэрэл, А.Бурмаа   
Баасан, 2017 оны 12 сарын 01

2016 оны 12 дугаар сараас хойш шувууны томуугийн A(H7N9) вирүст хүний халдварын тохиолдын тоо эрс нэмэгдэж, томуугийн цартахлыг үүсгэж болзошгүй хэмээх болгоомжлолыг төрүүлээд байгаа билээ. Шувууны томуугийн вирүст хүний халдварын хөнгөн хэлбэрийн өвчлөл, өөр хоорондоо тархвар зүйн холбогдол бүхий халдварын шинэ тохиолдлын тоо болон голомтолсон өвчлөлийн тоо нэмэгдэх нь хүнээс хүнд халдвар дамжин тархаж байж болзошгүй байгааг илтгэн харуулсан эхний дохио юм. БНХАУ-д бүртгэгдсэн шувууны томуугийн A(H7N9) вирүст хүний халдварын 5 дахь дэгдэлт (2016-2017)-ийн үед халдварын тоо эрс нэмэгдсэн ба энэ нь хүнээс хүнд халдвар дамжин тархсантай холбоотой эсэхийг тогтоохын тулд судлаачид өмнөх 4 дэгдэлтийн голомтолсон өвчлөлтэй 5 дахь дэгдэлтэнд бүртгэгдсэн голомтолсон өвчлөлийг харьцуулан дараах судалгааг гүйцэтгэсэн байна.

Судалгааны ажлаас товчхон дурьдвал:

БНХАУ-ын ӨХСТ нь лабораториор батлагдсан шувууны томуугийн A(H7N9) вирүст хүний халдварын тохиолдол бүрт тандалт судалгааг хийж, тэдгээрийн ойрын хавьтлуудад 10 хоногийн турш эмнэлзүйн хяналт тавьж, өдөр бүр эрүүл мэндийн байдалд үзлэг хийсэн байна. Амьсгалын замын цочмог халдварын шинж тэмдэг илэрсэн ойрын хавьтлаас хамар, залгиурын сорьц авч A(H7N9) вирүсийг илрүүлэх шинжилгээ хийжээ. Шувууны томуугийн A(H7N9) вирүс батлагдсан өвчтөн, түүний ойрын хавьтлуудаас хүн ам зүй, ам бүлийн гишүүд, тэдний хоорондын харилцаа, өвчтөн тэжээвэр шувууны фермтэй холбоотой, түүнтэй ямар нэг байдлаар холбогдсон эсэх тархвар зүйн болон эмнэлзүйн шинж тэмдгийн талаарх дэлгэрэнгүй мэдээллийг цуглуулсан байна. Эдгээр мэдээллийг цуглуулан түүнд дүн шинжилгээ хийх нь шинэ халдварын дэгдэлтийн үед авч хэрэгжүүлж буй нийгмийн эрүүл мэндийн хариу арга хэмжээний нэг хэсэг бөгөөд эрсдлийн үнэлгээнд өндөр ач холбогдолтой мэдээллүүд юм.

Халдварын дэгдэлтийн хугацаа: тухайн оны 9 дүгээр сарын 1-нээс дараа оны 8 дугаар сарын 31-нийг хүртэл.

Голомтолсон өвчлөл: 10 хоногийн хугацаанд эмнэлзүйн ижил шинж тэмдэг илэрсэн, өөр хоорондоо тархвар судлалын холбоотой, лабораториор шувууны томуугийн A(H7N9) вирүс батлагдсан, 2 болон түүнээс дээш тохиолдол.

Дэлгэрэнгүй...
 
Зөвлөмж хүргүүлэх тухай(ХӨСҮТ захирлын 2017 оны 7/1154 тоот)
Бичсэн Б.Ганцоож   
Пүрэв, 2017 оны 11 сарын 30
Дэлгэрэнгүй...
 
ДЭМБ: Томуугийн 2 долоо хоног тутам шинэчлэгддэг мэдээ: №303
Бичсэн Д.Оюунгэрэл   
Пүрэв, 2017 оны 11 сарын 30

Дэлхийн бөмбөрцгийн хойд хагасын сэрүүн бүсийн орнуудад томуугийн идэвхжил бага зэрэг нэмэгдэж байгаа бол дэлхийн бөмбөрцгийн өмнөд хагасын сэрүүн бүсийн улс орнуудад буурч улирал хоорондын түвшинд хүрсэн байна. Төв Америк, Карибийн улс орнуудад томуугийн идэвхжил бага түвшинд байна. Дэлхий дахинд томуугийн А (H3N2) болон В вирүс давхар эргэлтэнд байна.

  • Хойд Америкийн ихэнхи мужуудад томуугийн идэвхжил нэмэгдсэн, томуугийн А (H3N2) вирүс давамгайлан эргэлтэнд байна.
  • Европын орнуудад томуугийн идэвхжил бага түвшинд, томуугийн А (H3N2) болон В вирүс давхар эргэлтэнд байна.
  • Баруун Азийнн улс орнуудад томуугийн идэвхжил бага түвшинд байна. Катар улсад томуугийн идэвхжил өндөр түвшинд, улирлын томуугийн бүх вирүс хүн амын дунд эргэлтэнд байна.
  • Төв Азийн Казакстан, Тажикистан, Узбекистан улсад амьсгалын замын халдварт өвчний үзүүлэлтүүд нэмэгдэж байна.
  • Зүүн Азийн улс орнуудад томуугийн идэвхжил бага түвшинд байна. Хятадын хойд хэсгийн улс орнуудад томуугийн А (H3N2) вирүс эргэлтэнд байна.
  • Зүүн Өмнөд Азийн улс орнуудад томуугийн идэвхжил буурсан, томуугийн А (H3N2) болон В вирүс давхар эргэлтэнд байна.
  • Өмнөд Азийн улс орнуудад томуугийн идэвхжил бага түвшинд байна. Энэтхэг улсад томуугийн А (H3N2) болон A (H1N1)pdm09 вирүс давхар эргэлтэнд байна.
  • Өмнөд Африкийн Марокко болон Тунис улсад томуугийн А вирүсийн алаг цоог дэгдэлт бүртгэгдэж байна.
  • Баруун болон Зүүн, Төв Африкийн улс орнуудад томуугийн идэвхжил өмнөх долоо хоногуудын түвшинд, улирлын томуугийн бүх дэд хэвшинжийн вирүсүүд хүн амын дунд эргэлтэнд байна.
  • Карибийн болон Төв Америкийн улс орнуудад томуу болон амьсгалын замын халдварын вирүсүүдийн идэвхжил бага түвшинд, RSV вирүсийн идэвхжил зарим орнуудад өндөр түвшинд байна.
  • Өмнөд Америкийн халуун бүсийн улс орнуудад томуу болон RSV-ийн идэвхжил бага түвшинд байна.
  • Дэлхийн бөмбөрцгийн өмнөд хагасын улс орнуудад томуугийн идэвхжил буурч байна.
  • FluNet-ийн 2017 оны 10 дугаар сарын 30-наас 11 дүгээр сарын 12-ныг хүртэлх мэдээгээр 84 орны ТҮТ-үүд нийтдээ 103,642 сорьц шинжилж, 5,515-д томуугийн вирүс эерэг байж, 3,690 (66.9%)-д томуугийн A, 1,825 (33.1%) -д томуугийн B вирүс эерэг тодорхойлогдсон байна. Томуугийн A вирүсийн 509 (21.4%)-д томуугийн A (H1N1)pdm09, 1,873 (78.6%)-д томуугийн A (H3N2) эерэг гарчээ. В вирүсийн 781 (77.9%) нь В-Yamagata lineage, 221 (22.1%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/latest_update_GIP_surveillance/en/

 
“Молекул биологийн шинжилгээний дэвшилтэт арга техник” сургалт боллоо
Бичсэн Д.Наранзул   
Баасан, 2017 оны 11 сарын 24

2017 оны 11 дүгээр сарын 21-22-ны өдрүүдэд ХӨСҮТ, Монголын Вирүс Судлалын Нийгэмлэгтэй хамтран лабораторийн мэргэжилтнүүдэд зориулсан Амьсгалын замын вирүс болон шувууны томуугийн A(H7N9) халдварыг илрүүлэх “Молекул биологийн шинжилгээний дэвшилтэт арга техник” сэдэвт 1 багц цагийн сургалтыг ХӨСҮТ-ийн Вирүс Судлалын Лабораторийг түшиглэн зохион байгууллаа. Сургалтанд ХӨСҮТ-ийн вирүс судлал, нян судлал, БЗДХ-ын лаборатори, Ховд, Дорнод, Орхон аймгийн БОЭТ, Дархан-Уул аймгийн НЭ-ийн лаборатори, ЗӨСҮТ-ийн лабораторийн эмч, судлаачид, лаборант нар нийт 28 хүн хамрагдлаа (Зураг 1).

Сургалтын үеэр ХӨСҮТ-ийн вирүс лабораторийн эрхлэгч анагаах ухааны доктор, клиникийн профессор Б.Дармаа “А(H7N9) вирүс илрүүлэх шинжилгээнд сорьц цуглуурах, тээвэрлэх үеийн аюулгүй ажиллагаа, эрсдлийн менежмент”, Япон улсын Токио хот дахь Халдварт Өвчний Үндэсний Хүрээлэнгийн ДЭМБ-ын Томуугийн Лавлагаа Лабораторийн ахлах вирүс судлаач, доктор Мина Накаучи “Монгол улсад ТТӨ ба АЗЦХХ-ын шалтгааныг судлах Япон, Монголын хамтарсан судалгааны үр дүн, цаашдын зорилт”; “Томуугийн A(H7N9) вирүс илрүүлэх RT-LAMP шинжилгээний цомгийг хэрэглэх заавар, анхаарах асуудал” сэдвээр тус тус лекц уншиж манай мэргэжилтнүүдийн мэдлэгт хувь нэмэр орууллаа.

Доктор Мина Накаучи, ХӨСҮТ-ийн вирүс судлалч Ц.Наранзул нар оролцогчидод зориулж томуугийн А(H7N9) вирүсийн өвөрмөц ген илрүүлэх (RT-LAMP) болон TaqMan пробтой бодит хугацааны полимеразын гинжин урвалын шинжилгээний арга техник эзэмшүүлэх дадлага ажлын сургалтыг амжилттай зохион байгууллаа (Зураг 2;3;4)


Зураг 1. Амьсгалын замын вирүс болон шувууны томуугийн A(H7N9) халдварыг илрүүлэх “Молекул биологийн шинжилгээний дэвшилтэт арга техник” сургалтанд оролцогчид сургагч багш нарын хамт

Дэлгэрэнгүй...
 
ДЭМБ: Томуугийн 2 долоо хоног тутам шинэчлэгддэг мэдээ: №301
Бичсэн Б.Ганцоож   
Баасан, 2017 оны 11 сарын 24

Дэлхийн бөмбөрцгийн хойд хагасын сэрүүн бүсийн орнуудад томуугийн идэвхжил бага түвшинд байна. Дэлхийн бөмбөрцгийн өмнөд хагасын Зүүн, Зүүн Өмнөд Азийн сэрүүн бүсийн улс орнуудад томуугийн идэвхжил буурч байна. Төв Америк, Карибийн цөөн тооны улс орнуудад томуугийн идэвхжил бага түвшинд байна. Дэлхий дахинд томуугийн А (H3N2) болон В вирүс давхар эргэлтэнд байна.

  • Өмнөд Америкийн сэрүүн бүсийн ихэнх улсуудад томуугийн идэвхжил бага зэрэг нэмэгдсэн, томуугийн А (H3N2) болон В вирүс давамгайлан эргэлтэнд байна.
  • Европын орнуудад томуугийн идэвхжил бага түвшинд, томуугийн А (H3N2) болон В вирүс давхар эргэлтэнд байна.
  • Баруун Азийнн улс орнуудад томуугийн идэвхжил бага түвшинд байна. Катар улсад томуугийн идэвхжил өндөр түвшинд, улирлын томуугийн бүх вирүс хүн амын дунд эргэлтэнд байна.
  • Төв Азийн Казакстан, Тажикистан, Узбекистан улсад ТТӨ болон АЗЦХХ-ын өвчлөл өндөр түвшинд байна.
  • Зүүн Азийн улс орнуудад томуугийн идэвхжил бага түвшинд байна. Хятадын хойд хэсгийн улс орнуудад томуугийн А (H3N2) вирүс эргэлтэнд байна.
  • Зүүн Өмнөд Азийн улс орнуудад томуугийн идэвхжил буурсан, томуугийн А (H3N2) болон В вирүс давхар эргэлтэнд байна.
  • Өмнөд Азийн улс орнуудад томуугийн идэвхжил бага түвшинд байна. Энэтхэг улсад томуугийн А (H3N2) болон A (H1N1)pdm09 вирүсийн илэрц буурч байна.
  • Баруун болон Төв Африкийн улс орнуудад томуугийн идэвхжил өмнөх долоо хоногуудын түвшинд байна.
  • Карибийн болон Төв Америкийн улс орнуудад томуу болон амьсгалын замын халдварын вирүсүүдийн идэвхжил бага түвшинд, RSV вирүсийн идэвхжил зарим орнуудад өндөр түвшинд байна.
  • Өмнөд Америкийн халуун бүсийн улс орнуудад томуу болон RSV-ийн идэвхжил бага түвшинд байна.
  • Дэлхийн бөмбөрцгийн өмнөд хагасын улс орнуудад томуугийн идэвхжил буурч байна.
  • FluNet-ийн 2017 оны 10 дугаар сарын 16-наас 29-нийг хүртэлх мэдээгээр 101 орны ТҮТ-үүдийн шинжилсэн нийт сорьцны 2,954 (72.3%)-д томуугийн A, 1,134 (27.7%) -д томуугийн B вирүс эерэг тодорхойлогдсон байна. Томуугийн A вирүсийн 318 (13.8%)-д томуугийн A (H1N1)pdm09, 1,985 (86.2%)-д томуугийн A (H3N2) эерэг гарсан байна. В вирүсийн 485 (81.1%) нь В-Yamagata lineage, 113 (18.9%) B-Victoria lineage-д хамаарагдсан байна.

Эх үүсвэр: http://www.who.int/influenza/surveillance_monitoring/updates/latest_update_GIP_surveillance/en/

 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 26 - 30 - 538

АНХААРУУЛГА

Улирлын томуугийн идэвхжил буурч байна.

ТАРХАЛТ

ЗӨВЛӨГӨӨ

Зар

ЗАРЛАЛ 001

Томуу, томуу-төст өвчнөөс сэргийлэх, эмчлэх үйлдэлтэй эм, ариутгалын бодисийн ухуулга сурталчилгааны материалын зарлалыг манай вэб-сайт үнэ төлбөргүйгээр байршуулна

 

ХҮЛЦЭЛ ӨЧЬЕ
Томуугийн Үндэсний Төвийн вэб хуудас сүүлийн 2 долоо хоног техникийн саатлын улмаас ажиллаагүй тул эрхэм хамтрагч, вэб-д идэвхтэй хандагсдаасаа хүлцэл өчье. ТҮТ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр672
mod_vvisit_counterөчигдөр922
mod_vvisit_counterэнэ 7 хоногт1594
mod_vvisit_counterэнэ сард14627
mod_vvisit_counterбүгд1374281

Одоо сүлжээнд