Skip to content
НүүрБидний тухайТомуугийн тандалтЦар тахлын бэлэн байдалМэдээТҮЗСудалгаа, шинжилгээТодорхойлолтуудЗөвлөлгөөХолбоо барих

Хайлт

Нэвтрэх Хэсэг






Нууц үгээ алдсан уу?


 Манай мэдээг ашиглахдаа Томуугийн Үндэсний Төвийн вэб-сайтаас (www.flu.mn) авсан тухайгаа ишлэл хийж байхыг хүсэе.

Томуугийн Үндэсний Төв

Та энэ цэсэнд: Нүүр

Томуугийн А болон В вирүст халдварын дэгдэлт эмнэлгийн ачааллыг нэмэгдүүлж байна
Бичсэн Д.Оюунгэрэл, А.Бурмаа   
Ням, 2018 оны 01 сарын 07

АНУ-ын Калифорни мужийн Фресно хотын эмч нар 2017/2018 оны томуугийн улирал нилээд онцлогтой явагдаж байгаа талаар мэдээллээ. Эмч нар томуугийн А болон В вирүс нэг хугацаанд орчилдож байгаа нь өмнөх томуугийн улиралтай харьцуулахал илүү онцлог байгаа тухай хэллээ. Үүнтэй холбоотой эмнэлгийн ачаалал эрс нэмэгдсэн хэмээн эмч нар тайлбарлаж байна. Мөн ихэнх тохиолдлыг гэрээр эмчилж байгаа ба эмнэлэгт ирж үзүүлж байгаа хүмүүсийн хүлээгдэл, бөөгнөрөл маш их байгаа талаар цохон тэмдэглсэн байна.

Эх үүсвэр: http://abc30.com/health/uncommon-outbreak-of-influenza-type-a-and-b-has-local-hospitals-flooding-with-patients-/2864759/

 
Томуугийн үндэсний төвийн мэргэжилтнүүд Дархан-Уул аймагт ажиллаад ирлээ
Бичсэн Д.Оюунгэрэл, А.Бурмаа   
Ням, 2018 оны 01 сарын 07

Дархан-Уул аймгийн Томуугийн харуулдан тандалтын нэгжүүдэд энэ оны 12 дугаар сарын 11-нээс 13-ны өдөр ээлжит дэмжлэгт хяналтыг Томуугийн үндэсний төвөөс зохион байгууллаа. Дэмжлэгт хяналтын багийг ХӨСҮТ-ийн ТҮН-ийн дарга А.Бурмаа ахлан, ТҮН-ийн халдвар судлагч их эмч Д.Оюунгэрэл, Вирүс судлалын лабораторийн вирүс судлаач эмч Ц.Наранзул нар хийлээ.

Дэмжлэгт хяналтын баг ЭМГ-ын дарга Б.Батцэнгэл, Хяналт, шинжилгээ, үнэлгээ, мэдээллийн хэлтсийн дарга Л.Отгондулам, халдварт өвчин хариуцсан мэргэжилтэн Б.Эрдэнэцэцэг, НЭ-ийн Эмчилгээ эрхэлсэн орлогч дарга Ю.Ариунаа болон Өрхийн эрүүл мэндийн төвийн дарга нарт үйл ажиллагааны зорилго, чиглэлийг танилцуулан, одоогийн томуугийн дэгдэлттэй холбоотой авч хэрэгжүүлж буй арга хэмжээ, ТТӨ, АЗЦХХ-ын бүртгэл, мэдээлэл, томуугийн вакцинжуулалтын үйл ажиллагаатай түлхүү танилцаж, санал солилцон, илэрсэн дутагдал зөрчлийг хэрхэн шийдвэрлэх, ямар арга хэмжээ авах талаар ярилцан, нэгдсэн саналд хүрэлцэн ажиллаа.

Дархан-Уул аймгийн Томуугийн харуулдан тандалтын нэгжүүдийн томуугийн тандалтын үйл ажиллагаа тогтворжсон, дэгдэлтийн үеийн хариу арга хэмжээг шуурхай авч хэрэгжүүлэх үйл ажиллагааны, сургалт сурталчилгааны төлөвлөгөөг шинэчлэн гаргасан, үүний дагуу улирал угтуулан тодорхой арга хэмжээнүүдийг авч хэрэгжүүлсэн байна. Үүнээс дурдвал томуугийн дэгдэлтийн үеийн бэлэн байдал, хариу арга хэмжээтэй холбоотой ширээний дасгал сургуулилтыг ЭМГ-ын харьяа 27 эрүүл мэндийн байгууллагын удирдлагуудыг оролцуулан хийсэн бол томуугийн сорьц авах, хадгалах, тээвэрлэх талаар гардан үйлдлийн сургалтыг шинээр ӨЭМТ-д ажилд орж буй эмч нарт хийсэн байна. Мөн аймгийн төвийн сургууль, цэцэрлэгийн эмч нарт ТТӨ-өөс урьдчилан сэргийлэх, дэгдэлтийн үеийн арга хэмжээний талаар сургалт зохион байгуулсан байна.

ТХТН-үүдийн ТТӨ, АЗЦХХ-ын мэдээ цуглуулалт, мэдээллэх, цуглуулсан мэдээлэлдээ дүгнэлт хийн, түүнтэйгээ уялдуулан хариу арга хэмжээг шуурхай зохион байгуулах чадавх бүрдсэн байгаа боловч өвчний бүртгэл, мэдээллийн чанартай холбоотой хэд хэдэн анхаарах зүйлүүд байгааг тогтоон, түүнийг цаашид сайжруулах, засах талаар мэргэжил аргазүйн зөвлөлгөө өгч ажиллаа.

Дэлгэрэнгүй...
 
Дундговь аймагт томуугийн харуулдан тандалтын нэгжүүдэд хийсэн дэмжлэгт хяналт хийлээ.
Бичсэн Ч.Мөнхцэцэг, Б.Ганцоож   
Баасан, 2017 оны 12 сарын 15

“Томуугийн тандалтын сүлжээ бэхжүүлэн хөгжүүлэх төсөл”-ийн хүрээнд батлагдсан удирдамжийн дагуу ХӨСҮТ-ийн тархвар судлаач их эмч, Анагаах ухааны доктор Ч.Мөнхцэцэг, ТҮН-ийн дата менежер Б.Ганцоож нарын бүрэлдэхүүнтэй баг 2017 оны 12 дугаар сарын 13-наас 16-ны хооронд томуугийн харуулдан тандалтын нэгжүүдэд үнэлгээ хийлээ.


Зураг 1. Аймгийн Эрүүл Мэндийн газрын дарга Г.Баторших-д ажлын удирдамжийг танилцуулж байгаа нь

Тус аймгийн томуугийн харуулдан тандалтын нэгж Нэгдсэн эмнэлэг, өрхийн эрүүл мэндийн төвүүдэд дэмжлэгт хяналт хийх, томуу, томуу төст өвчин (ТТӨ), амьсгалын замын хүнд халдварын тандалт, хариу арга хэмжээний явцтай танилцан үнэлгээ хийж, сургалт зохион байгуулав.

Дэлгэрэнгүй...
 
Орхон аймагт томуугийн харуулдан тандалтын нэгжүүдэд хийсэн дэмжлэгт хяналт хийлээ.
Бичсэн Ч.Мөнхцэцэг, Д.Отгон,Ц.Наранзул   
Баасан, 2017 оны 12 сарын 15

“Томуугийн тандалтын сүлжээ бэхжүүлэн хөгжүүлэх төсөл”-ийн хүрээнд батлагдсан удирдамжийн дагуу ХӨСҮТ-ийн тархвар судлаач их эмч, Анагаах ухааны доктор Ч.Мөнхцэцэг, тархвар судлаач их эмч Д.Отгон, ХӨСҮТ-ийн Вирүс судлалын лабораторийн вирүс судлаач АУ-ны магистр Ц.Наранзул нарын бүрэлдэхүүнтэй баг 2017 оны 12 дугаар сарын 6-наас 9-ний хооронд томуугийн харуулдан тандалтын нэгжүүдэд үнэлгээ хийлээ.


Зураг 1. ЭМГ-ын НЭМТ-ийн дарга Г.Энхжаргалд ажлын удирдамж танилцуулж байгаа нь

Тус аймгийн томуугийн харуулдан тандалтын нэгж Бүсийн оношилгоо эмчилгээний төв, өрхийн эрүүл мэндийн төвүүдэд дэмжлэгт хяналт хийх, томуу төст өвчин (ТТӨ), амьсгалын замын хүнд халдварын тандалт, хариу арга хэмжээний явцтай танилцан үнэлгээ хийж, сургалт зохион байгуулав.

Дэлгэрэнгүй...
 
Лабораторийн биоаюулгүй ажиллагаа сургалт
Бичсэн Г.Нямаа   
Даваа, 2017 оны 12 сарын 04

2017 оны 11 дүгээр сарын 30 ны өдөр Эрүүл Мэндийн Яам (ЭМЯ), Халдварт Өвчин Судлалын Үндэсний Төв (ХӨСҮТ), Монголын Вирүс Судлалын Нийгэмлэгтэй (МВСН) хамтран Дэлхийн эрүүл мэндийн байгууллагын дэмжлэгтэйгээр салбар хоорондын лабораторийн мэргэжилтнүүдэд зориулсан “Лабораторийн биоаюулгүй ажиллагаа” сэдэвт 1 багц цагийн сургалтыг ХӨСҮТ-д зохион байгууллаа.

Сургалтын үеэр “Лабораторийн биоаюулгүй ажиллагааны гарын авлага” номын Монгол хэл дээрх хоёрдахь хэвлэлийг нийтэд хүртээл болголоо. Тус номын ерөнхий редактороор Анагаахын Шинжлэх Ухааны Их Сургуулийн Бичил Амь Дархлал судлалын тэнхимийн эрхлэгч, Анагаах ухааны доктор, профессор С.Цогтсайхан ажилласан юм.

Сургалтанд ХӨСҮТ, Зоонозын Өвчин Судлалын Үндэсний Төв (ЗӨСҮТ), Мал Эмнэлгийн Хүрээлэн (МЭХ), Нийгмийн Эрүүл Мэндийн Үндэсний Төв (НЭМҮТ), Шинжлэх Ухааны Академийн Биологийн хүрээлэнгийн лабораторийн ажилтнууд, Монголын биоаюулгүй ажиллагааны нийгэмлэг, МВСН-ийн гишүүд судлаачид хамрагдлаа (Зураг 1).


Зураг 1. “Лабораторийн биоаюулгүй ажиллагаа” сэдэвт сургалтанд оролцогчид сургагч багш нарын хамт

Дэлгэрэнгүй...
 
<< Эхлэл < Өмнөх 1 2 3 4 5 6 7 8 9 10 Дараах > Төгсгөл >>

Үр дүн 21 - 25 - 538

АНХААРУУЛГА

Улирлын томуугийн идэвхжил буурч байна.

ТАРХАЛТ

ЗӨВЛӨГӨӨ

Зар

ЗАРЛАЛ 001

Томуу, томуу-төст өвчнөөс сэргийлэх, эмчлэх үйлдэлтэй эм, ариутгалын бодисийн ухуулга сурталчилгааны материалын зарлалыг манай вэб-сайт үнэ төлбөргүйгээр байршуулна

 

ХҮЛЦЭЛ ӨЧЬЕ
Томуугийн Үндэсний Төвийн вэб хуудас сүүлийн 2 долоо хоног техникийн саатлын улмаас ажиллаагүй тул эрхэм хамтрагч, вэб-д идэвхтэй хандагсдаасаа хүлцэл өчье. ТҮТ

Тоолуур

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterөнөөдөр659
mod_vvisit_counterөчигдөр922
mod_vvisit_counterэнэ 7 хоногт1581
mod_vvisit_counterэнэ сард14614
mod_vvisit_counterбүгд1374268

Одоо сүлжээнд