Анагаах ухааны доктор Д.Нямхүү захиралтай Халдварт Өвчин Судлалын Үндэсний төвийн хамт олон ажил үйлсээрээ хот хөдөөгийн эмнэлгийн байгууллагуудаас 2009 оны Эрүүл мэндийн салбарын “Шилдэг байгууллага”–аар шалгарч өргөмжлөл, мөнгөн шагналаар шагнагдав. Шагналыг 2010 оны 2 дугаар сарын 25-ны өдөр Улсын Их Хурлын гишүүн, Засгын газрын гишүүн, Эрүүл Мэндийн Сайд С.Ламбаа гардууллаа. 2010 онд Халдварт Өвчин Судлалын Үндэсний Төвийн хамт олондоо ажил үйлс нь улам өөдрөг байхын өлзийтэй ерөөлийг өргөн дэвшүүлье.

2010 оны 3 сарын 4-ний байдлаар

Томуугийн цартахлын A/H1N1/ вирүсийн халдварын эсрэг дархлаажуулалт нийслэлийн Баянзүрх, Сүхбаатар, Хан-Уул, Баганууp дүүрэг, Дархан-Уул, Дорноговь аймгийн 6-18 насны бүх хүүхдийг энэхүү өвчний эсрэг вакцинд хамруулахаар үргэлжлэн явагдаж байна. Энэхүү үйл ажиллагаа нь сайн дурын үндсэн дээр зохион байгуулагдаж байгаа ба тухайн бүлэгт хамрагдах хүүхдүүдийг эцэг, эхийн зөшөөрлийн дагуу дархлаажуулах юм.

  Сургууль дээр зохион байгуулагдаж буй дархлаажуулалт  

2010 оны 3 дугаар сарын 2-ны өдрийн 15 цагаас ЭМЯ-ны Сургалт, мэдээллийн төвийн “Б” танхимд “Халдварт Өвчний Хяналтын лавлах”-ын 18 дугаар хэвлэлийн (ХӨХЛ-18) монгол орчуулагын нээлтийн ажиллагаа болов. Нээлтийн ажиллагаанд ДЭМБ-ийн Монгол улс дахь Суурин төлөөлөгч, доктор Виват Рожанапитаякорн, ЭМЯ-ний Төрийн нарийн бичгийн дарга, анагаах ухааны доктор Н.Хүрэлбаатар, Монголын Анагаах Ухааны академийн ерөнхийлөгч ХӨХЛ-18 номын монгол орчуулагын ерөнхий редактор, академич П.Нямдаваа, ХӨСҮТ-ийн Ерөнхий захирал анагаах ухааны доктор Д.Нямхүү, уг номыг орчуулсан эмч, мэргэжилтнүүд, ЭМШУИС-ийн эрдэмтэн багш нарын төлөөлөгчид болон хэвлэл мэдээллийнхэн оролцлоо. Номын нээлтийг ЭМЯ-ний Төрийн нарийн бичгийн дарга, анагаах ухааны доктор Н.Хүрэлбаатар нээв. ДЭМБ-ийн Суурин төлөөлөгч В.Рожанапитаякорн дэлхий дахинд халдварт өвчинтэй тэмцэх ажилд оролцогсдын “Библь” гэж нэрлэгддэг, 93 жилийн түүхтэй энэ номыг МАУА хариуцан монголын уншигчдад хүргэж байгаад талархав. Дараа нь ХӨХЛ-18 номын монгол орчуулагын ерөнхий редактор, академич П.Нямдаваа уг номын товч түүх, ач холбогдол, ашиглах зааврыг ТҮТ-ийн вэб-хуудсанд тавигдсан эхээр танилцуулав. Номыг дээрхи вэб сайтаас гадна ЭМЯ-ны вэб-сайтаас http://moh.mn/moh%20db/HealthReports.nsf/32fe9f3e7452a6f3c8256d1b0013e24e/c676561e5c276497482576d900399ceb/$FILE/Control%20of%20Communicable%20Diseases_final.pdf хаягаар орж, үзэж болох юм байна. Мөн ДЭМБ-ийн Суурин төлөөлөгчийн газрын халдварт өвчин хариуцсан мэргэжилтэн доктор Луо Дапенг, “Мамба ” дацангийн хамба Д.Нацагдорж нар номын ач холбогдлыг үнэлж саналаа илэрхийллээ. Номын нээлтийн үеэд ДЭМБ-ийн Суурин төлөөлөгч доктор В.Рожанапитаякорн номын дээжийг монгол орчуулагын ерөнхий редактор, академич П.Нямдаваа, ЭМЯ-ны төрийн нарийн бичгийн дарга доктор Н.Хүрэлбаатар, редакторын туслахууд МАУА-ын референт, анагаах ухааны магистр Д.Энх-амгалан, “Халдварт Өвчин Судлалын Монголын Сэтгүүл”-ийн хариуцлагатай нарийн бичгийн дарга, анагаах ухааны доктор Л.Энхбаатар нарт гардуулав. ДЭМБ-ийн төлөөлөгчийн газар уг номыг 800 хувь хэвлүүлсэн бөгөөд ЭМЯ-тай хамтран Улаанбаатар хот, аймгуудын бүх эпидемиолгичдод хүргэхээр төлөвлөж байна. Нээлтийн ажиллагаанд оролцогсдод ДЭМБ уг номыг бэлэглэлээ.

Дархлаажуулсан буюу өвчилж эдгэрсэн донороос цусны ийлдэс бэлтгэн халдварт өвчний эмчилгээ, сэргийлэлтэнд хэрэглэх аргыг антибиотик эмчилгээ нийтийн хүртээл болж амжаагүй 1940-1950-аад онд Дэлхий дахинд, түүний дотор манай улсад өргөн хэргэлэж байсан билээ. Эмчилгээний энэ арга 1970-1980-аад оноос цусаар дамжин халдварлах вирүст халдварын тархалт, нэн ялангуяа ХДХВ/ДОХ-ын эрчимтэй тархалттай холбоотойгоор хэрэглээнээс шахагдан гарах хандлагатай болсон юм.

  Гэвч одоо цусны аюулгүй байдлын баталгааг сайжруулсан нөхцөлд дархан ийлдэс болон эдгэрэгчдийн ийлдсээр эмчлэн, сэргийлэх асуудал сэргэх хандлагатай болж байгаа юм. Үүний нэг жишээ нь АНУ-ын PNAS (Proceedings of the National Academy of Sciences, USA) сэтгүүлийн энэ оны 2 дугаар сарын 16-ны дугаарт Хонг Конгийн судлаачид томуугийн цартахлын A(H1N1) вирүст халдвараар өвчлөөд эдгэрэгсэдийн цуснаас ийлдэс бэлтгэн эмчилгээнд хэргэлэх замаар өвчлөл, эндэгдлийг бууруулж болох математик загвар боловсруулан нийтлүүлсэн явдал боллоо. 

Дэлгэрэнгүйг манай вэб-сайтын “Судалгаа, шинжилгээ” булангаас үзнэ үү-